Anthony Shaffer se Murderer nou in Afrikaans op die planke

0
1901

Die toneelstuk Moordenaar is Carel Nel en Nico Luwes se Afrikaanse vertaling van Anthony Shaffer se Murderer is `n bloeddorstige, sielkundige riller vir mense met hare op hulle tande. Moordenaar is op 25 en 27 September om 19:00 en op 26 September om 18:00 in die Wynand Mouton-teater op die planke. Kaartjies kos R40 by Computicket.
Shaffer, beroemde Britse dramaturg van o.a. Sleuth en Murderer, het internasionaal met sy moordrillers naam gemaak. Murderer is onder andere oor verfilm. Die stuk is nou in Afrikaans vertaal vir Drama en Teaterkuns honneursstudente se praktiese eksamen. Luwes is die regisseur wat ook die 1986 opvoering vir SUKOVS die stuk opgevoer het met o.a Blaize Koch en Gerben Kamper. Die bloeddorstige en sielkundige riller is vir mense met hare op hulle tande en ? voorliefde vir gruverhale. Die stuk open met seker die mees bloedstollende en makabere toneel in teatergeskiedenis en die skrywer ontwyk en verdraai die werklikheid op briljante wyse. Met die 1986 opvoering het gehore na die stuk gestroom en ? paar saghartiges, wat die spanning nie kon hanteer nie, het verskrik uit die teater gestorm. Shaffer ontgin die ware aard van moord en die bisarre fassinasie wat moord vir die moordenaar inhou. Die dikwels onverklaarbare verhouding tussen die slagoffer en die moordenaar word eksploiteer in fassinerende drama waarin die werklikheid en illusie op die verhoog op meesterlike wyse manipuleer word. Die Sersant waarsku nie verniet dat die mens eerder nie met bisarre moord en ander lyflike speletjies moet eksperimenteer nie. Die werklikheid haal die fantasie soms baie maklik in! So wees gewaarsku – Moordenaar is nie vir sissies nie! Verwag dat die bloed, hare en tande gaan waai soos daar nog nie op die Wynand Mouton se verhoog gesien is nie.