Wepener-moordverdagte weer volgende week in die hof

0
294
‘n Man van Wepener (32) in die Vrystaat, wat in hegtenis geneem is nadat die polisie op sy vrou se lyk afgekom het, sal weer op 21 November in die hof wees.

Polisiewoordvoerder, Yanga Ngcukana, sê Selly Thomas sal dan om borgtog aansoek doen.

Ngcukana sê lede van die gemeenskap het die polisie Saterdagaand ontbied nadat Thomas vermoedelik sy 27-jarige vrou aan haar arms in die straat in die Nyarela-woonbuurt gesleep en geslaan het. Ngcukana sê met die polisie se aankoms op die toneel het die vrou se halfnaakte lyk in ‘n plas bloed buite ‘n huis in die township gelê. Daar was kneusplekke aan haar lyf.

Die oorsaak van die vrou se dood en die tipe voorwerp (indien dit gebruik is) sal in ‘n nadoodse ondersoek vasgestel word.

-Mark Steenbok