Oorsaak van Aldam-brand onbekend

0
3177
Die oorsaak van 'n brand wat laat gistermiddag (Saterdagmiddag) by die Aldam-vakansieoord naby Winburg in 'n restourantgebou uitgebreek het, is nog nie bekend nie. Foto: VERSKAF

Die oorsaak van ‘n brand wat laat gistermiddag (Saterdagmiddag) by die Aldam-vakansieoord naby Winburg in ‘n restourantgebou uitgebreek het, is nog nie bekend nie.

Waarnemende hoof-brandbeampte van die Matjhabeng-brandweerdiens, Francois Klaassen, het gisteraand (Saterdagaand) aan OFM-nuus gesê lede van die polisie se forensiese-eenheid en ‘n ondersoekspan van die brandweer sal na verwagting vandag (Sondag) die oorsaak van die brand, ondersoek.

Klaassen het gisteraand na die brand in bedwang gebring is, gesê met hul aankoms op die toneel het die geboue, wat ‘n restourant, kroeg en kombuis insluit se grasdak reeds begin inval.

Klaassen sê die brand is voorafgegaan deur ‘n stormsterkwind. OFM-nuus verneem intussen dat daar mense in die gebou was toe die brand uitgebreek het, maar die gebou is vinnig ontruim.

Christal-Lize Muller/CourantNews 

christal-lize@centralmediagroup.co.za