Fichardtpark-tak spoor Alzheimer-lyer op

0
937

Die AfriForum-tak in Fichardtpark het die afgelope naweek ’n bejaarde met Alzheimer se siekte ongedeerd opgespoor ná sy as vermis aangemeld is.

Die tak het boodskappe oor dié voorval op hul WhatsApp-groep ontvang en dadelik deur middel van die tak se radionetwerk reaksiespanne van die Fichardtpark, Pellissier en Hospitaalpark-takke ontbied om te help soek.

Volgens Joseph Renaud, veiligheidsvoorsitter van die AfriForum-tak in Fichardtpark, is die vrou binne 80 minute nadat die eerste WhatsApp-boodskap ontvang is, in Curielaan naby die Mugg & Bean-restaurant gevind.

“Dit is weereens ’n bewys van hoe effektief ’n goeie radionetwerk en goeie samewerking is,” sê Pieter Myburg, AfriForum se distrikskoördineerder in Bloemfontein.

Verklaring verskaf