LUISTER: Dot Serfontein het haar aanhangers in haar hart bewaar

0
715

Die Afrikaanse skrywer, Dot Serfontein, se geliefdes gaan die gravitas van haar hier en nou baie mis. Haar teenwoordigheid in haar geliefdes se lewens is egter permanent. Só het Serfontein, wat verskeie kort- en kontreiverhale geskryf het, se seun Willem Krog gesê nadat sy ma vanoggend in ‘n selfsorg-aftreeoord op Kroonstad in haar slaap oorlede is. Krog, wat in die advertensiewese werksaam is en ‘n gekwalifiseerde prokureur in die kommersiële reg, sê vir die familie het die aarde met sy ma se dood onherroeplik verskuif.

 

Die familie spreek hul opregte dankbaarheid teenoor sy ma se aanhangers uit, sê hy. Dit is mense wat so baie keer laat weet het hoe hulle haar skryfwerk geniet. “Sy het dit altyd in haar hart bewaar.”)

Serfontein se dogter is die veelbekroonde digter, Antjie Krog. Willem sê sy ma laat vyf kinders, 16 kleinkinders en 15 agterkleinkinders na.  ‘n Gedenkdiens word volgende Vrydag om 11:00 in die NG Moederkerk op Kroonstad gehou. – Christal-Lize Muller