Daar is wel hoop vir matrieks wat nie geslaag het nie

0
381
Fedsas: Jaco Deacon. FOTO: CHRISTAL-LIZE MULLER.

Matriekleerlinge wat nie hul maktriekjaar geslaag het nie, hoef nie in sak en as te gaan sit nie. Die Federasie van Beheerliggame van Suid-Afrikaanse skole (Fedsas) se Jaco Deacon sê daar is verskeie opsies wat uitgeoefen kan word. Hy raai leerlinge aan om aansoek te doen by die Departement van Onderwys om antwoordstelle in vakke waarin hulle nie goed gevaar het nie, te laat hernasien. Leerlinge sal egter daarvoor moet betaal. Deacon sê leerlinge kan ook herregistreer om vakke in ‘n volgende eksamen oor te skryf, of hul matriekjaar herhaal.

 

Die sluitingsdatum vir aansoeke vir die hermerk van antwoordstelle of die proses waarin dit nagegaan word, is 19 Januarie. Vraestelle kan slegs gesien word ná die hernasien daarvan of nadat dit nagegaan is.

Die hernasien van ‘n vraestel kos R82. Om ‘n vraestel na te laat gaan, kos R21 en om dit te sien kos R180. – Christal-Lize Muller