Bulgaarse bederf in Bloemfontein

0
99
Bulgaarse virtuoos, Stefan Velkov

Die Bulgaarse virtuoos, Stefan Velkov, en die plaaslike Bulgaarsgebore sjef, Patso Nikolov van Gallery on Leviseur & 59Plenty, snoer op 16 November om 18:30 kragte saam in ‘n enigmatiese aanbieding van kos en musiek.

Konsertgangers kan verwag om meegevoer te word na ‘n wêreld van klassieke en kontemporêre kitaarspel, roerende intensiteit en diepliggende musikale uitdrukkingsvermoë.

Daarbenewens kan hulle hul verlustig in Velkov se passievolle vokale kuns, begelei deur sy eie kitaar- en klavierspel. ‘n Rosestad en ‘n Land van Rose – Bulgarye is een van die grootse roosolieprodusente met ‘n wêreldbekende jaarlikse rosefees.

Die vooraf-drankies en die eet- en drinkgoed ná afloop van die konsert word deur hierdie interkontinentale roostema saamgesnoer.

Kaartjies vir die geleentheid kos R250 vir volwassenes, R150 vir pensioenarisse, studente en kinders ouer as 12 jaar, en R100 vir kinders onder 12. Vir meer inligting en kaartjie-aankope kontak Mariaan by 073-227-6685, Werner by 084-583-3889 of Patso by 082-626-7606.